Joh 11 | ENQ | STEP | Akali Lasatasa lenge yuu Betani tange mende yaina sia-pyaa. Yuu taono Betani doko Matiapa baanya kakingi Matapanya.

a11:1Mk 11:1; Lu 10:38-39

b11:2Mk 14:3; Lu 7:38; Jo 12:3

c11:3Jo 11:36

d11:4Jo 1:14, 9:3, 11:40

e11:8Jo 8:59, 10:31

f11:9Jo 8:12, 9:4-5, 12:35

g11:101 Jo 2:11

h11:11Mt 9:24; Mk 5:39

i11:13-14Ap 7:60

j11:15Jo 2:11

k11:16Mk 14:31; Jo 14:5, 20:24-29

l11:18Mt 21:17

m11:19Jop 2:11; Jo 11:45, 12:9-11,17-19

n11:20Lu 10:39-40

o11:21Jo 11:32

p11:22Mk 11:24

q11:23Dan 12:2; Jo 5:28-29

r11:24Ap 24:15

s11:25Jo 1:4, 5:24,26, 8:51; Pa 1:18

t11:26Jo 6:47; 1 Jo 3:14

u11:27Mt 16:16; Jo 6:47

v11:28Jo 11:20

w11:32Jo 11:21-22

x11:33Jo 11:38, 12:27, 13:21

y11:35Lu 19:41

z11:37Jo 9:6-7

aa11:38Mt 27:60; Mk 15:46; Lu 24:2; Jo 11:33, 20:1

ab11:40Jo 1:14, 11:4,23-26

ac11:41Mt 11:25, 14:19; Jo 17:1

ad11:42Jo 12:30

ae11:43Jo 5:27-29

af11:44Jo 19:40, 20:5-7

ag11:45Lu 16:31; Jo 4:48, 7:31, 11:19, 12:10-11

ah11:46Mt 26:3-5

ai11:47Lu 22:2; Jo 12:19; Ap 4:16

aj11:48Lu 3:2; Jo 18:13

ak11:49Mt 26:3-4

al11:50Jo 18:14

am11:51Jen 50:20

an11:52Jen 11:9; Jo 10:16, 17:21; 1 Jo 2:2

ao11:53Mt 12:14; Jo 5:18

ap11:54Jo 7:1

aq11:55Nam 9:6-13; 2 Ktl 3:17; Mt 26:1; Mk 14:1; Lu 22:1; Ap 21:26

ar11:56Jo 7:11

John 11

Lasatasa kumiamo doko

1 Akali ^a Lasatasa lenge yuu Betani tange mende yaina sia-pyaa. Yuu taono Betani doko Matiapa baanya kakingi Matapanya. 2 Matia ^b dokome wele tunduma pipae mendeme Kamongo dokonya kai pyakamaiyoo baanya aiyomba itimi mokonya tombe kunao nepakamaiyamo enda doko. Enda dokonya pimalenge Lasatasa lenge doko yaina sia-pyaa. 3 Dopa ^c piamosa pimalenge dolapome Jisasa kateasa wai lao “Kamongo, embame auu kaenge akali kandapino doko yaina silyamona,” leambi-pyaa. 4 Jisasame ^d wai doko sepala lao pituu, “Yaina dokome akali doko kumapenge daa. Yaina dokome Gotenya tii pipae doko panasepenge. Gotenya Ikiningi dokome dokonya-kaita kenge andake nyepengena,” lea.

5 Jisasame Matapi baanya kakingi dokopi Lasatasapi dutupa auu kaenge. 6 Dopaka doko, baame Lasatasa yaina silyamo lapae doko sepala dokopa, baa kateamo yuu dokonya koto gii lapoma mee katea. 7 Dopa petala maitakao baanya disaipele dupa lamaiyoo, “Naima Jutia dee pilyemana,” lea.

8 Dopa ^e leamopa disaipele dupame baa lamaiyoo, “Mana Lenge Akali, ene epapu Juta dupame kaname emba pyalanya pipimino doko, deaka embame yuu dokonya patoo leepe?” leami. 9 Dokopa ^f Jisasame dupanya pii yanu pyakamaiyoo, “Yongama gii dokonya pituu alemandi tuu lao kiloko gii kingi ita mende-kisa dee lapoma daa kandamuape? Endakali mende kotaka kaitini paelyamo kandao doko, lombapae nasingi. Doko, baa kotaka kandao paenge. 10 Dopaka ^g doko, endakali mende kuka paelyamo kandao doko, baa lombapae singi. Doko, tii napilyamosa dopa pingina,” lea. 11 Baame ^h dopa latala maitakao dokaita lamaiyoo, “Naimanya kaita miningi Lasatasa doko luu palipapya lamona, nambame baa pyale tala patowana,” lea. 12 Dokopa disaipele dupame baa lamaiyoo, “Kamongo, baa luu palitamo kandao doko, dee baa yaka joo pilyamona,” leami. 13 Jisasame ⁱ Lasatasa kumatapyana lao leamopa dupame mee luu palipumopa lelyamo lao masiami. 14 Dopa piaminosa Jisasame dokaita panao lamaiyoo, “Lasatasa kumatapya. 15 Nyakamame ^j masoo minalapale lao nambame nyakama lao masetala baa kumapyamo gii dokopa namba baapa awapa nakatapu dokonya mona yaepelyo. Dopaka doko, indupa baa silyamo dokonya muaa,” lea.

16 Tomasa ^k lenge Pakao Mandenge lengema dokome disaipele yangi dupa lamaiyoo, “Naima apata baa-pipa awapa kumamana muaa,” lea.

Endakali dee sakatengepi lete katengepi tenge doko Jisasa

17 Jisasa pao pyakamatala Lasatasa malu petae koto kitomende katapeamo doko kandea. 18 Yuu ^l Betani doko Jetusaleme tengesa kilomita tepoma joo sia. 19 Dokopa ^m Juta longo dupame Mata Matiapa pimalenge dolapo kumanda peteambino dokonya kumanda epeami. 20 Mata ⁿ dokome Jisasa epelyamo lapae sepala kaitinisa kandanyalanya pea. Dopaka doko, Matia baa andaka mee petea.

21 Dokopa ^o Matame Jisasa lamaiyoo, “Kamongo, emba ae kateeli kandao doko, nambanya pimalenge doko kumala nayali. 22 Dopaka ^p doko, indupa nambame masilyona, embame opale mende Gote-kisa tee latenopa baame emba dyaapomona,” lea.

23 Dokopa ^q Jisasame enda doko lamaiyoo, “Embanya pimalenge doko dee sakatatana,” lea. 24 Dokopa ^r Matame baa lamaiyoo, “Yuu etatamo gii dokopa endakali kumapae dupa sakatatamino gii dokopa baa sakatatana lao nambame masilyona,” lea. 25 Dokopa ^s Jisasame enda doko lamaiyoo, “Sakatengepi dee lete katengepi doko nambaka. Dopana, namba lao masoo miningi endakali mende kumatamo kandao doko, kumapalapi dee lete katata. 26 Endakali ^t saka katao namba lao masoo minilyamo doko pitaka kumalapi nayatamina, embame dopa lao masoo minilipi?” lea. 27 Dokopa ^u Matame Jisasa lamaiyoo, “Kini, Kamongo, emba Kataisana, Gote Ikiningi isa yuunya ipupenge dokona lao nambame masoo minao petelyona,” lea.

Jisasa baa ee leamo doko

28 Matame ^v dopa latala pao baanya kakingi Matia epena latala elyakao lamaiyoo, “Mana Lenge Akali doko ipao ae katapala emba ipu lelyamona,” lea-pyaa. 29 Matiame doko sepala yapa lao baa sakatao Jisasa kateasa epea. 30 Jisasa baa yuu taono dokonya naepenya wamba Matame kandanyiamo dosa mee katea. 31 Dokopa Juta endakali Matia-pipa awapa kumanda peteamino dupame kandeaminopa Matia baa yapa sakatatala kamaka peanya, baa malunya ee laa pelyamo lao masetala watao epeami.

32 Dokopa ^w Matia Jisasa kateamo dokonya ipupala baa kandea. Dopa petala baa ipao Jisasanya moko kateamo dosa tombauli sepala baa lamaiyoo, “Kamongo, emba ae kateeli kandao doko, nambanya pimalenge doko kumala nayalina,” lea.

33 Jisasame ^x kandeamopa baa ee leamo dokopa Juta awapa epeamino dupa ee leamiaka. Dokopa baa mona etete kenda kayao yamataka lea. 34 Dokopa Jisasame lao pituu, “Nyakamame baa anja malu piamipi?” lea. Dopa leamopa dokaitame baa lamaiyoo, “Kamongo, embame kanja ipu,” leami. 35 Dokopa ^y Jisasa baa ee lea. 36 Dopa piamopa Juta dupame lao pituu, “Akali doko baame etete auu kaengena kanjepa!” leami. 37 Dopa ^z leaminopa yangi dupame lao pituu, “Akali dakeme endakali lenge monda mende lenge tasala nayapya kandamuape? Kapa pao baame akali dake kumina kayapyalipi?” leami.

Jisasame Lasatasa dee sakatasiamo doko

38 Dokopa ^aa deaka Jisasa mona kenda kayao yamataka latala baa malunya pea. Malu doko kananda mendenya petala kambu doko kana yale mendeme pai leami-pyaa. 39 Jisasame lao pituu, “Nyakamame kana dake nyoo kapya laapa,” lea. Dopa leamopa akali kumiamo dokonya pimalenge Mata dokome baa lamaiyoo, “Kamongo, indupa baa ai pyatao pilyamo. Baa malu petae katamopa koto kitomende patapyana,” lea. 40 Dokopa ^ab Jisasame enda doko lamaiyoo, “Nambame emba wamba langyoo, embame masoo minao pititino kandao doko, Gotenya tii pipae doko kandatena langya nayalope?” lea. 41 Dokopa ^ac dupame kana doko nyoo kapya leami. Dopa peteaminopa Jisasame kaiti-kisa kandalyetae katao, “Apane, embame nambanya pii doko silino dokonya nambame emba kandao yaka pilino lelyo. 42 Embame ^ad koteaka lao nambanya pii singi doko nambame masilyo. Nambame dopa lelyo doko, endakali ae kalyamino datupame namba embame puu leenopa epee lamo lao masoo minina lao lelyona,” lea. 43 Dopa ^ae latala baame puu lao lao pituu, “Lasatasa, emba kamaka ipu!” lea. 44 Dopa ^af leamopa akali kumiamo doko kamaka epea. Baanya moko kingipi dupa banisa kendeme yaki piaminoli petae, baanya lengelyaapi dupa lapalapame malu pyaanya ambo piaminoli petayaka epeamosa, Jisasame dokaita lamaiyoo, “Tata lao nepatakamaitala pena kayalapa,” lea.

Jisasa pyao kumasemana lao kambuiyamino doko

(Mt 26:1-5; Mk 14:1-2; Lu 22:1-2)

45 Juta ^ag endakali longo Matia kanja epeamino dupame Jisasame piamo doko kandatala baa lao masoo miniami. 46 Dopaka ^ah doko, yangi dupame pilyoo Patasi dupa kateamisa pupala, Jisasame piamo dupa lamaiyami-pyaa.

47 Dokopa ^ai pitisa mupapi Patasipi dupame kanjole dupa nyoo kambu pyatala lamaiyoo, “Akali dokome kongali longo pilyamo doko naimame aipa pilyamape? 48 Baame ^aj dopaka pyoo katena kayatamano kandao doko, endakali pitakame baa lao masoo minalapimino. Dopa pitaminopa dee Loma tange dupame naimanya losuu anda andake dake kaluoo nepao dee naima tata dupa koyasalapiminona,” leami-pyaa.

49 Dokopa ^ak dupanya akali mende Kayapasa lenge doko, baa ee kana dokonya pitisa mupa joo katea. Dokome dupa lamaiyoo, “Nyakamame kukipi mende masala naelyamino. 50 Nyakamame ^al dake masala naelyamino: aopyoo latala endakali paliuu pelyamo dupa pitaka alu pitamina akali mendaimi endakali dupa nisoo kumatamo kandao doko epena,” lea-pyaa. 51 Pii ^am doko baa tangenya moname iki masetala laa naya-pyaa. Baa ee kana dokonya pitisa mupa joo katea dokomena potopesa joo Jisasa kumapala Juta endakali dupa nisetana lao lea-pyaa. 52 Doko, ^an baa kumapala Juta endakali dupa iki niseta daa. Baame kumapala Gotenya wane wakale kata-kata pilyamino dupa nyoo limbatala tata mendai jina latana lao lea-pyaa.

53 Koto ^ao gii dokonya pituu tee pyao dupame Jisasa pyao kumasemana lao pii lao kambuiyami-pyaa. 54 Dopa ^ap piaminosa Jisasame Juta dupanya kainanya dee panao napaya. Baame yuu doko kayapala, baa endakali napalenge yuu mendakaita tengesale joo taono mende Epotaime lengema dokonya pupala yuu dokonya baanya disaipele dupa-pipa awapa katea.

55 Jutamanya ^aq Napinya Kayamo Gii doko tengesa pia. Gii doko ene ipanya piamopa, yuu dupa pitakanya endakali longo dupa kaimala pipae kunao nepalanya Jetusaleme peami. 56 Dopa ^ar petala dupame Jisasa kutiami. Dupame losuu anda andake kame dokonya katapala nyakama tangelapo lao pituu, “Nyakamame aipa lao masimipi? Baa gii epe doko kanja ipata laape?” leami-pyaa. 57 Pitisa mupapi Patasipi dupame lao pituu, “Endakali mendeme Jisasa osa kalyamo lao kandata dokome anjina dupa lamaina,” leami-pyaa.